رقية شرعية خاصة ( للعين والحسد والسحر ) وناااافعة بإذن الله

بسم الله الرحمن الرحيم
والسلام عليكم ورحمة الله وبركاتة

بنااات بإذن الله راح أنزل لكم رقية شرعية من الكتاب والسنة .. للعين والحسد والسحر .. ومجربة من ناس عانوا بحياتهم من الثلاث الأفات المذكورة وأولهم أنا أعوذ بالله من كلمة أنا .. وألي هي بلاء من رب العالمين ليختبر بها عبادة الصالحين ..
جربت الرقية المذكوورة ونفعتني بأشياااء كثيييرة .. أولها أبطلت *** كان معمول لي ولوالدتي للتفرقة .. والله يابنات كنت أصيييح وأتضرع لرب العالمين .. وأقرى هذه الرقية يوميا .. وكنت أقراها بنية الشفاء لوالدتي .. وكنت بالخارج بدولة أجنبية للعلاج وأنا يوميا أقراها وأتضرع وكانت أمي مقاطعتني قطيييعة وسافرت وما شفتها .. ما ألومها من ألي فيها ..
المهم تميت شهر بالخارج .. والله يا بنات مارديت الكويت ..وتقابلت مع أمي ألا أمي تبكي بكاء للحين ما أنساه .. وتلمني وتقول بيضت عيني أبي أشوفج ولهااانة علييج .. أنقلبت أمي 360 درجة للأفضل ..
وجان تقول حلمت حلم فييج وأنت بره ... وشوفوا يابنات الحلم وأنتوا فسروه .. كأنج لابسة لبس حلو .. ومعاااج رجل ضخم وهم لابس لبس حلو ..وقف ينطرنا أنا وأنت عند الباب .. مثل يحرسنا .. وبعدين أمي دخلت وأنتوا بكرامة الحمام .. ونزلت من رحمها كورتييين كبااار ... وعلى فكرة بنات الفترة هذى كانت أمي حيييل تشتكي من ألالام بأرحامها ومن احلام مزعجة كأن رجل يتهجم عليها .. يعني أحلام ما تبشر بالخير ..
المهم بعد ما نزلت الكرتيين خذت تنادي علي وأنا أنتطرها عند الحمام وتبشرني أنا نزل منها شئ على شكل كورة .. بناات طبعا هذا سحررررر ..
ومن بعدها أمي أرتاااحت ولله الحمد ..
وبعد فترة ... كأن يابنات الشئ يتجدد .. كل ما أصلحت بفضل رب العالمين شئ .. كانوا عيال الشيطان يجددون ويهمهم أمر التجديد .. علشان يسوودون .. عليهم لعنة الله والملائكة أجمعيين ..
أشتكت من ألالام مرة أخرى بأرحامها .. ورحنا لدكتورة فوزية القطان وعملت لها سونار داخلي على الرحم .. وقالت الوالدة أشتباه سرطان بالرحم وراح أعمل تحاليل شاملة مع عينة علشان أتأكد منه ... وأعطتي الأفترضات وأشلون العملية والأجراءات كلها ....
وقالوا التحاليل بعد اسبوع راح تطلع ... فى هذا الأسبوع شوفوا شسويت لأمي يا بنااات ... خليتها عندي بالبيت .. ويبت مااااي زمزم ... وقريت ونفثت فيه سورة البقرة كاملة .. والرقية الشرعية المذكورة ... وأعتمدته لها بالشرب .. يعني ماتشرب ماي غيرة .. حتى لو شاي أسويه لها من ماي زمزم ...
وخليتها تقرى يوميا سورة البقرة .. تعرفون المسكينة مرة كبييييرة .. وبطيئة .. المهم أختمتها فى 3 أيام ... يعني بالأسبوع أختمتها مرتين ....
ويه يوم نتيجة التحليل ... المسكيينة طبعا وطنت نفسيتها على هالشئ وأنا ما فى مشاااكل ونسوي العملية .. وبتصيرين أحسن ... واااايد ناس شفوا والشفاء بإيد رب العالمين ...
المسكيينة خاااايفة حييييل لكن وكلت أمرها لرب العالمين .. ويت ساعة النتيجة والمفاجئة ....





ما فى أيييييي شييييييئ .. والنتايج كلها سليمة ... حتى التجمع الدموي ألي قالت لنا عنه الدكتورة أختفى ...
حمدنا ربنا وشكرنااااه على فضله علينا ...
وأشيااااااااااء كثييييرة حصلت لي والله يابنات لو أقولها لكم تقولون .. مومعقولة ... لكن جربوها وكل ألي نصحتهم فيها ردوا يشكرون .. والشكر لله .. الرقية الشرعية يابنات سبب من ربنا شرعها لنا .. للشفاء .. وهو الشافي المعافي سبحااانه ...
هذي بعض من تجاربي بالرقية الشرعية وسورة البقرة .. حبيت أفيدكم فيها بعد ما شفت كثيييير من البنات يعانون .. وألي تقراها وتحس بأي ملاحظات .. ممكن تراسلني .. وأعطيها الحل والطرق بالعلاج .. وكلها طرق شرعية ..
وفى شغلة يابناااات ابيكم تفهمونها .. لا تروحون لا حق قراي ولا شئ ... وألي تجااااهد راح تلاقي النتيجة فورية .. لأنة بنية اللجوء لله ... فإن الله راااح يشفيج ... هذي نقطة مهمة ..
عموما هذي الرقية وحتى سورة البقرة تحفظ بيتج وأولادج وزوجج من باب التحصيين ... وتشوفون ألي عنده مشاااكل ومنازاعات تخففف المشاكل وتهدى أمورهم كلها ..
بنااات أمانة ألي تقرها وتحس براحه وتنفك عقدتها .. تدعي لي ولأمي ولأولادي بالتوفيق والحفظ .. ولكم بالمثل ..

والله ولي التوفييق

00212681819296